Georg Erlacher

CALENDER LADIN 2019: Georg Erlacher ne dá nia testemonianza fotografica de n schematism, anachronism o - cinamai - romantizism. Massa sterch é le carater che la secuënza fotografica á, da chëra che al manifestëia na identité de apartenënza a na vita y natöra en pert surandada a se instëssa, en pert intravaiada tla aziun y tl destin dla porsona. Do plü iadi che an á lascé rogore les impresciuns tl ponsier, se sínton implis de na poesia implü, chëra che an â mancia da plü tëmp y vëgn finalmënter indô sura ega ia. Tres la fotografia de Georg Erlacher röia le passé indô zoruch tl presënt. Text Jaco Rigo